Навоий вилояти божхона бошқармасининг Контрабанда ва божхона қонунчилиги бузилишига қарши курашиш бўлими ходимлари ҳуқуқни муҳофаза қилувчи бошқа орган ходимлари билан ҳамкорликда ўтказилган навбатдаги тезкор тадбир давомида “Бухоро-Фарғона” йўналишида ҳаракатланаётган, фуқаро Д.А бошқарувидаги “ISUZU” русумли юк автомашинаси тўхтатилиб, холислар иштирокида кўздан кечирилди.

Натижада, автомашина юкхонасида, ҳеч қандай ҳужжатлари бўлмаган жами қиймати 33 миллион сўмлик 3 тоннадан ортиқ латун ва мис металл парчалари борлиги аниқланди.

Ҳозирда мазкур ҳолат юзасидан текширув ҳаракатлари олиб борилмоқда.