Ғузор туманида ўтказилган тезкор тадбир давомида аниқланишича, тумандаги “Зангтепа” қишлоғида истиқомат қилувчи фуқаро Қ.Ш.нинг яшаш хонадони кўздан кечирилганда, хонадон ҳовлисида бир метр чуқурликда ишлов берилган ерда 6 туп таркибида гиёҳвандлик моддалари бўлган каннабис ўсимликлари ноқонуний равишда  парваришлаб келинганлик ҳолати аниқланди. Бундан ташқари ушбу фуқаронинг яшаш уйи холислар иштирокида кўздан кечирилганида уйнинг меҳмонхонасидаги телевизор жавони устки қисмида гугурт қутисига солинган жами оғирлиги 1,9 граммни ташкил этган марихуанна  гиёҳванд моддасини ноқонуний сақлаб келаётганлик ҳолати ҳам аниқланди.

Ҳозирда мазкур ҳолат юзасидан текширув ҳаракатлари олиб борилмоқда.