Институт курсантларини миллий ва жаҳон классик адабиётларини ўрганишга йўналтириш, ёзувчи ва шоирлар иштирокида ижодий учрашувлар ташкил қилиш, курсантлар орасида турли мавзудаги танловлар ўтказишга қаратилган маънавий-маърифий тадбирлар шулар жумласидандир.

Айниқса Ўзбекистон Ёзувчилар уюшмаси билан ҳамкорликда ёзувчи ва шоирлар билан ижодий кечалар ташкил этилиб китоб ўқишнинг шахс камолотидаги ўрни, китоб инсоннинг билимли, тарбияли, касб-ҳунарли ва албатта бахтли ва давлатли бўлишининг муҳим омили эканлиги эътироф этилмоқда.

Шу каби тадбирлардан бири “Янги аср авлоди” нашриёти билан ҳамкорликда ташкил этилди.

Ходимлар ва курсантлар ўртасида китобхонлик маданиятини ва китоб мутолаасига бўлган қизиқишини янада ошириш мақсадида китоб ярмаркаси ташкил этилди.

 Ўзбек ва жаҳон адабиётига оид янги нашр этилган асарлар ярмаркасида институтнинг профессор-ўқитувчилари  ва курсантлар фаол иштирок этиб, ўзларига манзур бўлган асарларни харид қилишди.