Шунга қарамай айрим фуқаролар амалдаги тартибларни бузган ҳолда алкоголли маҳсулотларни республикамизга яширин тарзда олиб киришга бўлган уринишлари ҳамон учраб турибди.

Жумладан, Тошкент вилояти божхона бошқармаси “Бекобод” темир йўл чегара божхона пости ходимлари томонидан йўловчи поезди божхона назоратидан ўтказилди. Натижада, фуқаро Х.Д. томонидан божхона тўловларидан бўйин товлаш мақсадида вагондаги йўловчи фуқароларга 2-4 донадан тарқатиб берилган, умумий қиймати 2,6 миллион сўмлик жами 35 дона елим идишларда 52,5 литр алкоголь ичимликларини яширинча олиб ўтишга бўлган уринишлари фош қилинди.

Ҳозирда юқоридаги ҳолатлар юзасидан божхона текширувлари давом эттирилмоқда.