Тезкор тадбир давомида “Бухоро-Тошкент” йўналишида ҳаракатланиб келаётган фуқаро Б.Н бошқарувида бўлган, “Исузи” русумли автотранспорт воситаси тўхтатилиб, юкхонаси холислар иштирокида кўздан кечирилди. Натижада, автомашинада ҳеч қандай ҳужжатлари бўлмаган латунь ва мис рангли металл парчалари олиб кетилаётганлиги аниқланди.

 “Ўзиккиламчиранглиметалл” ташкилотининг хулосасига асосан, вазни 5 тоннадан ортиқ бўлган мазкур рангли металл чиқиндиларининг умумий қиймати 61,7 миллион сўмга тенг эканлиги маълум бўлган.

Ҳозирда мазкур ҳолат юзасидан текширув ишлари олиб борилмоқда.