Таъкидлаш жоизки, “Бизнес юритиш” йиллик ҳисоботида охирги 5 йил давомида кўрилган чора-тадбирлар натижасида жаҳоннинг 190 та мамлакати орасида 146 ўриндан 76 ўринга кўтарилди.

Юқоридаги қарор эса ушбу рейтингни янада яхшилашга доир қўшимча чоралар кўриш, шунингдек, Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастури ижросини таъминлашга хизмат қилади.

Қарорга кўра товарнинг келиб чиқиши тўғрисидаги сертификатни бериш Инвестициялар ва ташқи савдо вазирлиги билан бир қаторда Савдо-саноат палатаси томонидан ҳам амалга оширилиши белгиланмоқда. Халқаро савдо соҳасидаги бу янгилик ташқи иқтисодий фаолият иштирокчилари учун алоҳида эътиборга молик янгилик бўлди.

Тадбир давомида божхона соҳасида қабул қилинган янги норматив-ҳуқуқий ҳужжатлар асосида жорий қилинаётган енгилликлар тўғрисида батафсил тушунчалар ва иштирокчиларни қизиқтирган саволларга жавоблар берилди.

Қорақалпоғистон Республикаси

божхона бошқармаси

Ахборот хизмати