Андижон вилояти божхона бошқармаси Контрабанда ва божхона қонунчилигига қарши курашиш бўлими ходимлари ИИБ ходимлари билан ҳамкорликда ўтказилган навбатдаги тезкор тадбир давомида қонунбузарлик ҳолатига чек қўйишди.
Ўзбекистон Республикаси фуқароси И.А. бошқарувидаги “Дамас” русумли автотранспорт воситаси “Жалақудуқ-Андижон” йўналиши бўйлаб ҳаракатланаётган вақтда тегишли тартибда тўхтатилиб холислар иштирокида кўздан кечирилди. Натижада, автомашина салонида хорижда ишлаб чиқарилган, муқаддам юртимизга ноқонуний йўллар билан олиб кирилган қиймати салкам 31 миллион сўмлик 51 дона чангюткичлар борлиги аниқланди.
Ҳозирда ҳолат юзасидан текширув ҳаракатлари олиб борилмоқда.
20.02.2019