Фарғона вилояти божхоначилари томонидан сифати кафолатланмаган ва тегишли ҳужжатлари бўлмаган бу турдаги маҳсулотларнинг олиб ўтилишига қарши чора-тадбирлар давом эттирилмоқда.

Жумладан, вилоят божхона бошқармаси ходимлари томонидан ўтказилган навбатдаги тезкор тадбирда “Водил-Фарғона” йўналишида ҳаракатланаётган фуқаро Б.Ў. бошқарувида бўлган “Спарк” русумли автомашина Фарғона шаҳрида тўхтатилиб, холислар иштирокида кўздан кечирилди. Натижада, автомашина салонида хорижда ишлаб чиқарилган, умумий қиймати 7,7 миллион сўмлик аёллар парфюмерия маҳсулотлари борлиги аниқланган.

Ҳозирда мазкур ҳолат юзасидан терговга қадар текширув ҳаракатлари олиб борилмоқда.