Куни кеча “Олот” чегара божхона постида худи шундай ҳолат қайд этилди. Юртимизга кириб келган йўловчи М.М тегишли тартибда божхона назоратидан ўтказилди.

Натижада, унинг қўл юклари ичида 411,62 гр.га тенг кумуш тақинчоқлар декларация ва оғзаки сўровда маълум қилмасдан яширинча олиб ўтишга уринилгани фош этилди. Дастлабки ҳисоб китобларга кўра, ушбу заргарлик буюмларининг умумий баҳоси 8,2 миллион  сўмни ташкил этди.

Шу каби яна бир ҳолат йўловчи Г.Н томонидан содир этилди. У ўзи билан яширинча жами 307,58 гр.га тенг, умумий қиймати 6,1 миллион сўмлик аёллар тақинчоқларини йўловчи божхона декларациясида кўрсатмай, божхона ходимининг оғзаки сўровида маълум қилмасдан Ўзбекистон ҳудудига олиб кираётган вақтида тўхтатиб қолинди.

Ҳозирда юқоридаги ҳолатлар юзасидан текширув ишлари олиб борилмоқда.