Шу боис Жиззах вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари ҳамда Иқтисодий жиноятларга қарши курашиш Департаментининг вилоят бошқармаси ходимлари билан ҳамкорликда инсон руҳиятига салбий таъсир этувчи жангари ва порнографик мазмундаги контрафакт видеофильмларнинг ноқонуний тарқатилишига қарши курашиш мақсадида Жиззах шаҳар “Кўк бозор” савдо мажмуасида тезкор тадбир ўтказилди.

Тадбир давомида Ўзбекистон Республикаси фуқаролари У.И, Н.Т ва Ҳ.Қ лар  жами қиймати 3 763 000 сўмлик 836 дона лицензияланмаган,  жангари ва беҳаё мазмундаги видеофильмлар ҳамда турли хилдаги хорижий мусиқа клиплари ёзилган контрафакт DVD ва СD дискларни Жиззах шаҳридаги “Кўк бозор” савдо мажмуаси ҳудудида сотаётган вақтида қўлга олинди.

Фуқаролар ўз кўрсатмаларида мазкур дискларни Тошкент шаҳридаги бозорларнинг биридан сотиб олганликлари ва қайта сотиб фойда кўриш мақсадида Жиззах шаҳрига олиб келганликларини баён қилишган.

Ҳозирда мазкур ҳолат юзасидан божхона текширувлари давом эттирилмоқда.