Mamlakatimizda erishilayotgan yutuqlar, qo‘lga kiritilayotgan marralar adolat ustuvorligi barqaror bo‘lgandagina yuz ko‘rsatadi.

Korrupsiyaning salbiy illatlari avvalo uning demokratiya va qonun ustuvorligiga putur yetkazishida namoyon boʻladi. Korrupsiya oqibatida inson xuquq va erkinliklari qoʻpol ravishda buziladi, qonunlarga hurmat ruhi pasayadi, iqtisodiy rivojlanish izdan chiqadi, eng daxshatlisi davlat va jamiyat uchun oʻta xavfli boʻlgan uyushgan jinoyatchilik keng yoyilishiga sharoit yaratiladi. Har bir davlat korrupsiyaga qarshi kurashish faoliyatining maqsadi va obyekti sifatida alohida olingan korrupsionerga emas, balki ushbu xatti-harakatlarni amalga oshirishga sharoit yaratib beruvchi holatlarni bartaraf qilish va profilaktik oldini olish choralarida namoyon boʻladi.

Korrupsiya oddiy xalq vakillarining yuqori amaldorlarga yoxud davlat amaldorlarining oʻzaro bir-birlariga boʻlgan munosabatidan kelib chiqadi. Bu salbiy holatning har qanday koʻrinishi jamiyatni halokat yoqasiga olib borishi muqarrardir.

Maʼlumki, bugungi kunda korrupsiya xalqaro muammoga aylanib ulgurgan va bu masalaga juda jiddiy eʼtibor qaratilyapti.

Mamlakatimiz mustaqillikni qoʻlga kiritganiga ham 30 yil toʻldi. Shu oʻtgan davrda korrupsiya va jinoyatchilikka qarshi kurashishda koʻplab ijobiy ishlar amalga oshirildi.

Qashqadaryo viloyati bojxona boshqarmasi rahbariyati va masʼul tarkibiy tuzilmalar rahbarlari tomonidan boshqarma xodimlari oʻrtasida korrupsiyaga yoʻl qoʻymaslik yuzasidan doimiy tarzda tushuntirish va targʻibot ishlari amalga oshirilmoqda.

Mamlakatimizda korrupsiyaviy jinoyatlarni oldini olish, unga qarshi kurashish va chek qoʻyishga qaratilgan izchil chora-tadbirlar amalga oshirilmoqda.