Oʻzbek tilini va oʻzbek tilida ish yuritishni yanada rivojlantirish uning mavqeini koʻtarish maqsadida Oʻzbekiston Respublikasi Prezidentining “Oʻzbek tilining davlat tili sifatidagi nufuzi va mavqeini tubdan oshirish chora-tadbirlari toʻgʻrisida”gi va “Mamlakatimizda oʻzbek tilini yanada rivojlantirish va til siyosatini takomillashtirish chora-tadbirlari toʻgʻrisida”gi Farmonlari imzolandi.

Til – millatning shaʼni, iftixori. Qadim-qadimdan ne-ne ajdodlarimiz eʼzozlab, ehtirom koʻrsatib kelgan ona tilimizning qadriga yetishni har birimiz oʻzimizning masʼuliyatli burchimiz deb bilishimiz kerak. Har yili 21-oktyabrda oʻzbek tiliga davlat tili maqomining berilgan kun bayram sifatida nishonlanadi.