Qoraqalpogʻiston Respublikasi bojxona boshqarmasi “Daut-ota” chegara bojxona posti xodimlari tomonidan fuqaro X.A boshqaruvidagi “Mercedes-Benz” rusumli yuk avtotransport vositasiga ortilgan yuklar postdagi rentgen qurilmasi orqali bojxona nazoratidan oʻtkazilganida, hujjatlarda koʻrsatilmagan va ruxsat beruvchi tusdagi maxsus hujjatlarga ega boʻlmagan “A-101 45mm BB CAL” nomli pnevmatik toʻpponcha hamda 188 dona oʻq dorilarni bojxona nazoratidan yashirin tarzda respublikamiz hududiga olib kirishga uringanligi fosh boʻldi.
Hozirda mazkur holat yuzasidan bojxona organlari tomonidan tergovga qadar surishtiruv harakatlari olib borilmoqda.