Shu masalada, “Toshkent-AERO” ixtisoslashtirilgan bojxona kompleksi tomonidan Toshkent xalqaro aeroportida xorijiy davlatlarga uchib ketayotgan yoʻlovchilarni bojxona qonunchiligi bilan tanishtirish va yuzaga kelishi mumkin boʻlgan qonunbuzilishi holatlarini oldini olish maqsadida profilaktik suhbatlar oʻtkazish yoʻlga qoʻyilgan boʻlib, ushbu profilaktik tadbirlar doimiy ravishda olib borilmoqda.

Bu safar, bojxonachilar tomonidan yoʻlovchilarga tovar moddiy boyliklari, xususan, zargarlik buyumlari va naqd xorijiy valyutalarni olib oʻtish tartibi hamda meʼyorlari, Oʻzbekiston Respublikasiga olib kirilishi taqiqlangan buyumlar va materiallar haqida tushuntirishlar berildi.

Shu bilan birga, yoʻlovchilar xorijdan qaytayotganlarida turli xil nayranglarga uchmasliklari, gʻaraz maqsadlarda halol insonlarning ishonuvchanliklaridan foydalanishga urinadigan shaxslardan ogoh boʻlishlari taʼkidlab oʻtildi.