Barchangizni “26-yanvar – Oʻzbekiston Respublikasi Davlat bojxona xizmati organlari xodimlari kuni” hamda milliy bojxona xizmati tashkil etilganligining 30 yilligi bayrami munosabati bilan samimiy tabriklaymiz.

Pochta xizmati muhim strategik ahamiyatga ega boʻlib, har qanday ijtimoiy, siyosiy, iqtisodiy, epidemiologik vaziyatlarda ham pochta xizmatiga boʻlgan talab va taklif hech qachon toʻxtab qolmaydi. Aksincha, doimiy ravishda oʻsib boradi. Bu esa bojxona sohasi xodimlaridan doimiy ravishda oʻz ustida ishlashni, tizimga yangi innovatsion texnologiyalarni joriy qilishni, pochta xavfsizligini taʼminlash kabi muhim yoʻnalishlarni doimiy takomillashtirishni talab etadi.

Mamlakatimizda tadbirkorlikka keng erkinlik berish, ularning faoliyatiga davlat organlarining aralashuvini tubdan qisqartirish, ularning profilaktikasi samaradorligini oshirish va huquqbuzarliklarga yoʻl qoʻymaslik tadbirkorlik faoliyatini yanada rivojlantirish sohasida davlat siyosatining muhim ustuvor yoʻnalishi va davlat organlarining birinchi darajali vazifasi etib belgilangan.